February 20, 2024: Sunday din deh US Senators laka ekta bipartisan delegation, Hungary laka capital deh official visit banai shae aro national government keh NATO deh joint kuri bole Sweden laka request tho phat approve kuri b kui shae.
NATO laka existing 31 members deh khali Hungary heh Sweden laka bid ratify kuri nai. Hungarian government kan etu move tho 18 mohina karne delay kura tho pressure bishi pai ase kile koile military alliance deh nutun country keta admit kuri bole mun jai leh unanimous approval lakeh.
Visiting senators para taikan Congress keh ekta joint resolution submit kuri bo kui shae Hungary deh alleged democratic backsliding condemn kuri nah. Aro Prime Minister Viktor Orban laka government keh, taikan laka block kuto Sweden laka trans-Atlantic integration deh ase, etu lift kuri b kui nah.
Resolution kuto The Associated Press para first report kuri shae, etu tho Tillis aro Sen. Jeanne Shaheen para author kuri shae. Delegation deh, taikan lokot Sen. Chirs Murphy b join kuri shae kun Connecticut para ekra Democrat ase.
Shaheen para taikan keh mili bole Hungarian government laka ekta member b nahia tho disappointing ase kui shae hoile b Feb 26 deh Hungarian lawmakers kan reconvene kura time deh Sweden laka accession tho ratification karne submit hobo kui nah hopeful ase kui shae.
