Kingston, Jamaica, 4 July : Hurricane Beryl toh Thursday dey Mexico aro Cayman Islands phaney jai asey, Jamaica laga southern coast ke batter kurina strong hawaa aro ekta toofan surge threaten kuri asey.
Beryl toh overnight ekta Category 3 toofan dey kamzor huishey, 125 miles (200 kilometres) an hour laga hawaa sustain kurishey, huilewi “at or near major hurricane intensity” dey forecast kurishey kitia itu Caymans dey par kuribo, US National Hurricane Center (NHC) laga hisab dey.
Itu toofan para Caribbean dey destruction laga trails charishey, kom se kom seven jun manu laga jaan luishey aro itu logot flash floods aro mudslides anishey kitia itu Mexico laga Yucatan Peninsula phaney jaishey.
Itu toofan toh NHC records shuru hua piche dey luina Category 4 level pahunjia agey asey June dey aro July dey Category 5 pahunjia sobse agey.
Mexican officials khan taiyari kuriboley kosis kuri asey, kitia itu NHC warn kurisheh ki Beryl toh Yucatan Peninsula dey napahunjia tak ekta hurricane thakibo.
Government para 112 shelters taiyari kurishey, 20,000 manu khan karney capacity loogot aro Quintana Roo laga state dey school suspend kurishey, kutey Beryl hit huwoley bishi chance asey.
Jamaica dey, power nathakia 400,000 manu logot bishi asey, Jamaica Gleaner newspaper laga hisab dey, ekta public service company ke cite kurina.
Jamaica Prime Minister Andrew Holness para 6:00 am para 6:00 pm tak itu 2.8 million laga island dey curfew declare kurishey aro Jamaicans khan ke
evacuation orders logot comply kuriboley urge kurishey.
Desmon Brown, Kingston dey National Stadium laga manager, kuishey ki tai laga staff toh taiyar asey.
Add Comment