Husband ekta para taila wife ke dowry karney muraidishey

Tripura: Ekta shocking incident deh Tripura para ekta manu naam toh Taur Ali koina para tai laga wife, Nichfa Begum ke dowry laga maamla deh murder kuridishey aro polai jaishey. Tai jun laga family deh tai kan laga teenta chokra bacha takishey, tadey duita toh ghor deh takishey etu incident hwa time deh.

Etu ghatna toh Saturday rati deh hoishey, Unakoti District laga subdivision, Kailashahar laga under Latiapura Gram Panchayat deh. Mota para tai laga maiki ke morai diya laga karan toh, maiki para tai laga parental home para poisa anibo napara karney morai dishey koishey.

Police kan para Taur Ali ke identify kurishey aro koishey  ki tai toh wife laga family para poisa laga he demand toh kuri thakishey aro itya tai murder kurina run deh ase.

Police officer para koishey ki” Nichfa Begum, deceased toh bishi diri para bimar thakishey aro recently ekta operation karney state laga bahar jaboley bi olaishey. Tai laga chutu bhai para taike ghor wapas anishey post-surgery pechedeh hoilibi Taur para tai laga in-laws ke tai laga maiki laga medical expenses karney repay kuriwoley demand kurishey. Etu demand toh Nichfa laga bhai para maana kurishey Taur Ali laga gambling ke reason luina koishey. Ekta desperate attempt torture para bachiwoley, Nichfa Begum para tai laga baba laga ghor deh thakiwo shuru hoishey. Hoilibi, Taur Ali para joborjosti tai ke ghor deh wapas anishey enaga kurina Nichfa Begun laga suffering continue hoishey. Enaga kurina May 18^th deh situation toh bishi tragic hoishey aro jaagra olaishey duita couple laga majot deh, tadey Taur Ali para Nichfa ke ekta dhar chaku para attack kurishey. Tai para Nichfa laga matha aro gola deh attack kura wounds paishey enaga kurina wife laga immediate death result hoishey.”

Couple laga teenta chokra bacha ase, tadey sobse eldest toh Bangalore deh employment bisari thakisheykoina janai di ase.

Aji morning deh Irani police station laga officer kan para scene deh punjina Nichfa Begum laga body toh Unakoti District Hospital laga morgue deh post-mortem examination karney loi jaishey.

“Police kan para manhunt shuru kurishey, Taur Ali ke duriwoley.” Enaga koishey police officer para.