January 10, 2025, 12:50 PM: US President-elect Donald Trump toh hoiley aji Friday tey set thaki kena asey, tai laga criminal conviction related- hush money laga, kuntu toh hoiley porn star Stormy Daniels ke pay kuria laga thakishey, ekta case kuntu toh olop tai laga campaign tey overshadow kurishey, itu White House reclaim kuriboley. Itu US Supreme Court para Manhattan state court tey sentence kuriboley karney koi di kena thakishey Thursday tey, ekta last homoi laga request toh reject kuri kena, Trump para itu proceeding khan toh khali dus din hey rukhidibi koa tey, Tai laga January 20 inauguration agey laga.
Ekta 5-4 laga close decision tey, itu Supreme Court laga nauta judge khan para Trump laga appeal toh deny kurishey. Coservative judge khan – Clarence Thomas, Samuel Alito, Neil Gorsuch, aru Brett Kavanaugh para tai laga favour tey vote kurshey, itu request toh grant kuriboley karney, hoielbi itu Chief Justice John Roberts aru Justice Amy Coney Barrett para tai khan laga teenta liberal judge khan logotey tai laga request laga against tey vote kurishey. Saishey koishey, Gorsuch, Kavanaugh, aru Barrett ke Trump para appoint kuri kena thaka laga asey.
Add Comment