HYDERABAD: Police sources para NDTV ke koishe jau kali Hyderabad te ekta chukuri ke juwan manu para sickle para hamla kurishe. Etu mota laga naam toh Bharat thakishe. Barat laga umar toh 19 years ase. Bharat toh etu maiki ke jua ek saal para stalk kuri ase koishe.
Etu ghatna toh Barkatpura area te hoishe. Chukuri para Bharat ke kotha kuribole mana kura nimite first year student Bharat para chukuri opor te sickle para hamla kuri dishe. Police para Bharat ke custody te loishe.
Doctor koishe chukuri laga condition toh critical ase aro ventilator laga support te ase. Chukuri toh second year student ase aro tai toh private college te puri thakishe. Tai toh Yashoda Hospital te ase.
Police koishe chukuri para olop din agote Hyderabad police laga maiki harassment cell te Bharat opor te complaint file kuri dishe. Aro Bharat ke police para councelling nimite bhi matishe.
Khobor hesab te Bharat koishe judi chukuri laga ama para police ke complain kurile toh biya hubo koishe.
Add Comment