Hyderabad: Jarta manuh ke custody te loi jaishe,din becha 27 sal umar veterinarian laga kao kon doh beya para jolai deya,kon doh Hyderabad osor te baha. Police laga heshap te,dai ke rape kuribo bari dai ke namora akete. Police khan para culprit doh dhoribole khosish kuri ase.
Wednesday rati,27 sal umar Priyanka Reddy, doh veterinary doctor kaam kuri dhakishe Kollur Mahbubnagar district te,ketiya missing hoishe.dai laga kao doh bridge under beishe National Highway 44 Chattanpally te beishe, Shadnagar osor Thursday te.police para suspect kurishe ke kao doh alak jaka te loi jaishe aro joi lakai deshe suspect para.
Priyanka doh appointment dhakishe Olive Skin Care Hospital Gachibowli te aro khor 5.50 pm te chari kena jaishe dai laga bike para.dai para bike doh toll-plaza osor te park kurishe aro private transport loishe Gachibowli te jabole.
9.22 pm te,dai para dai laga choto deti Bhavya ke called kurishe aro koi deshe ke dai laga bike flat tyre dhakishe aro konba najana manuh para dai ke motob kurishe etu bonaibole. Hoilebe dai bike doh nabanai kena khoraishe aro dai laga presence para boi kelaishe dai ke.ketiya dai laga khor manuh khan called wabass kurishe 9.44 pm te dai laga phone doh switch off dhakishe.
Dai khor wabass naaha ke rati te aro dai laga phone bon baha ke, dai laga khor manuh para dai ke besarishe aro complaint lodged kurishe Shamshabad police te.
7 am Thursday te,police para khobor beishe etu joi para kai deya kao baha ke. Scarf doh beishe alob feet dor etu kao laga. Police para khor manuh khan ke hotishe spot te ahibole etu najana kao ke sobole.scarf ke sai kena aro pendant of Lord Ganesh dai laga kola ke,dai khan para confirm kurishe ke etu doh dai ase koi kena. Probe time te, police para beishe ke Priyanka doh alak jaka te moraitishe toll plaza osor aro dai laga kao, etu ke dai logot te scooter doh outskirts of Chattanpally te shift kurishe.
Police para footage check kurishe CCTV cameras toll plaz laga. Dati Priyanka doh rasta bar kuri kena dekisha toll plaza osor te 9 pm te hoilebe kidnap doh capture kuri kena deka nai.
Investigation team para bedor te laga kabara beishe, footwear aro identification card Priyanka laga bushes laga toll plaza osor Thursday saam te.
Etu ke,missing bike Priyanka laga police para beishe bushes laga rasta side National Highway 44 osor Kothur bosti te. registration number plate bike laga hatai deshe aro rasta side te belai deshe offenders para, police para suspect kurishe.
Etu crime howa ke, National Commission maiki ke koishe member botaishe Hyderabad ke maiki laga khor manuh ke motob kuribole aro police ke lok kurishe.
Add Comment