Germany, 3 November : India laga challenge Hylo Open 2025 te end hoi jaise jetiya teenage shuttler Unnati Hooda Germany te Saturday laga mahila singles semifinal te Indonesia laga Putri Kusuma Wardani ke against haar jaise.
Unnati 7-21, 13-21 te Wardani ke against haar jaise, aru match pura 35 minutes te finish hoi jaise.
Tournament laga top seed thaka Wardani shuru para nijor dominance dikhai disey — first game te continuously tin point loi kene 11-4 lead banai loise mid-game interval te, aru matra 15 minute te first game jeet loi kene match te lead loi disey.
Second game bhi same style te start hoi jaise, Indonesian player feri 11-4 lead loi loise interval tak. Unnati try korise fight back koribo, aru double-digit points tak pahunchise, kintu 23 saal laga Wardani — juntu eibar laga World Championships te bronze medal jeetise — finally final te laga spot confirm korise.
Itu 18 saal laga Unnati laga BWF Super 500 event te laga pahla semifinal appearance thakise, aru itu tai karone ekta impressive achievement ase, karon itu season te tai already bhal performance dikhai ase.
Ibar saal early te Super 1000 China Open te, Unnati Scotland laga Kirsty Gilmour aru India laga P. V. Sindhu ke harai kene quarterfinal tak pohchise, juntu te Japan laga Akane Yamaguchi ke against straight games te haar jaise.
Unnati itu mahina Guwahati te held BWF World Junior Mixed Team Championships te bhi India laga historic team laga ekta part thakise, juntu te India laga team pahli bar bronze medal jeetise. Kintu singles event te tai quarterfinal stage te bahar hoi jaise.
Add Comment