New Delhi, 31 October : Ayush Shetty aru Kiran George Thursday din Hylo Open Super 500 badminton tournament te India karone ekta bhal din banai dise, jetiya duijon bhi higher-ranked opponent ke harai kene men’s singles quarterfinal te punchi jaise. US Open champion Ayush former world champion Loh Kean Yew (Singapore) ke ekta one-sided match te harai dise, aru Kiran bhi France laga world No.13 Toma Junior Popov ke upset win kori kene grit aru composure dikhai dise.
Ayush laga pinpoint accuracy te attack, athleticism te defence aru net te pura control taike madad kori dise Loh — juntu 2021 laga world champion ase — ke 21-11, 21-11 te harai kene round-of-16 match te shock di bole.
Add Comment