June 24, 2025, 06:29 PM: Itu Industries & Commerce laga Department para ekta Press Release tey, general public ke inform kurishey, ki, PM Vishwakarma aru Udyam Registration nimitey apply kuriboley, kuntu khan toh pura puri free asey, itu official guideline khan issue kuri kena thaka hisap tey, itu respective Government scheme khan under tey.
Itu toh hoiley janiboley parishey, itu Departmetn laga ki, kunba private manu khan aru entity khan toh assistance offer kuri asey, applicant khan ke, PM Vishwakarma, Udyam registration aru alag MSME relate thaka scheme nimitey aru kunba jaga khan tey itu same nimitey fee khan bhi loi asey. Beneficiary khan karney itu nishina third-party service khan toh free asey, tai khan nijey para, eku free charge nakuribo nahoilebi itu Government laga naam tey eku poisa nalobo, application khan submit kuriboley nimitey, PM Vishwakarma nahoilebi Udyam Registration under tey.
Itu public khan ke husiyar thakiboley advise kurishey, aru judi kunba unauthorize thaka fee collection khan kuri asey, itu scheme khan tey access kuriboley, itu opor tey khobor diboley koishey, itu concerned District Industries Centre ke.
Judi kiba janiboley mon asey koiley Department Helpline No.: 84130 78294 phone kuriboley paribo.
Add Comment