Srinagar: Abednedo Kofi 2 goals marikena, I-League debutant Real Kashmir FC pora Shillong Lajong FC logote 6-1 Kashmir te jitese. Ito match parikena Real Kashmir FC no 3 spot Hero I-League te ase. 7 match majote 4 jitekena Real Kashmir FC second-placed Churchill Brothers logote same point te ase. Hoilebi goal difference pora Churchill Brothers pise ase.
Kashmir laga goals toh Ghanaian forward Kofi, Mason Robertson, Nagen Tamang, Gnohere Krizo aro Surchandra Singh pora scxore korishey. Samuel Lyngdoh pora Shillong Lajong laga ekta goal marise. Aro Meghalaya toh etia 4 points hi paikena 10th position te ase.
Kashmir laga Scottish coach David Robertson pora unchanged team agot laga khilibole tise aro Shillong laga Alison Kharsyntiew pora Neroca FC logote khila team pora toijon change korishey. Hardy Cliff Nongbri aro Sheen Stevenson taitoijon Awmpuia aro Nabin Rabha ke potli korikena match start korise.
Etu massive win pora Kashmir ke confident rakhibolese. Kilemane taikhan 2 moina oporte away match khilekena pera pole ase. Hoilebi Shillong Lajong karoni toh ektum montook kotha ase, aro ektum phal pora defence te study koribole lage . tai khan itia tak majote 22 goals I-Leage 2018-19 te concede korigena ase.
Add Comment