Agencies, 21 October: Indian Air Force laga first woman commissioned officer, Wing Commander (Retd) Dr Vijayalakshmi Ramanan laga recipient, Wing Commander (Retd) Dr Vijayalakshmi Ramanan toh 96 sal te morishe. Tai toh Sunday te besi sal howa te mela bemari para tai laga chokri (daughter) khor te morishe. Etu khobor toh tai laga son-in-law S L V Narayan para janaideya laga ase.
February 1924 te jonom powa, tai MBBS porishe aro etu bechide August 22, 1955 te Army Medical Corps te commissioned howa thakise aro etu din para he Air Force te suru howa thakise. Etu opor te tai alak alak Air Force Hospitals te gynecologist nemide kaam kora thakise. Tai be war samai te jokhom powa sepai khan ke lok kora thakise aro administrative duties kora thakise.
Ramanan ke toh August 1972 te Wing Commander laga rank te promote kora thakise aro five sal bechide Vishist Seva Medal para samaan kora thakise. Tai toh February, 1979 te retired howa thakise. Tai laga moda (husband) late K V Ramanan be Indian Airforce officer thakise.
Wing Commander (Retd) Dr Vijayalakshmi Ramanan toh tai laga ekta chokri aro ekta moda bacha logode jinda thaki thaka ase. Ramanan be Carnatic music te trained howa ase aro horu sal para artist thakise All India Radio te.
Add Comment