April 25, 2021. Saturday din te Indian Air Force para 4 kali cryogenic oxygen containers toh Singapore te liquid oxygen anibo nemite loikena jaishe. India te hospitals te Covid-19 bemari manuh logot elaj koribo nemite ase. Indian Air Force laga A C-17 toh Hindan Air Base para Saturday din 2 am samai Changi International Airport Singapore jarishe. Cryogenic oxygen containers load kora beche, Singapore para Panagarh air base pongchise aro unload korishe. Khobor hesab te, India te oxygen supply toh besi ase, hoilebi containers komti ase aro oxygen toh hospitals te loikena jaboli naparai nemite India te Covid-19 bemari mauh besi mori ase. Etu samai aro dosura C-17 para kali tuita(2) cryogenic oxygen container truck toh Jamnagar air base te thakishe. C17 aircraft toh aro itya second shuttle toh Pune para Jamnagar dak te aro tuita(2) kali containers loikena ahishe. C17 ekta para tuita(2) containers toh Jodhpur para Jamnagar te loikena jaishe. Aro dosura khobor ekta te, IAF Chinook helicopter aro An32 transport aircraft para Covid-19 testing kora saman toh Jammu para Leh aro Jammu para Kargil te loikena jaishe koishe. Etu kali containers para India te alag-alag hospitals te oxygen loikena jaboli tangor motob bapoli ase koishe.
Add Comment