India, 15 February : Champions Trophy 2025 laga upcoming edition olop din modot shuru hobo, aru itu dangor tournament February 19 din Pakistan aru New Zealand laga match pora start hobo. Duniya laga top aath ta cricket team bhal performance dibole try kuribo aru trophy jeetibole aim kuribo.
Tournament shuru howa age ICC laga broadcast details announce kuri dise. India te, itu competition JioStar network te dekhibo paribo, jun fans khan nimite ekdom notun experience ani dibo.
JioStar network te, tournament 16 feeds te stream hobo, jun modot 9 languages thakibo: English, Hindi, Marathi, Haryanvi, Bengali, Bhojpuri, Tamil, Telugu, aru Kannada. Tai modot Indian sign language aru audio descriptive commentary bhi thakibo. Pakistan te, fans khan PTV aru Ten Sports pora Champions Trophy dekhibo paribo, aru digitally Myco aru Tamasha apps pora stream kuri paribo.
UAE, Middle East, aru North Africa region te, itu event CricLife MAX aru CricLife MAX2 te dekhibo paribo, aru streaming STARZPLAY te thakibo. UK te, SkySports laga broadcasting duty thakibo, USA aru Canada te WillowTV itu tournament dekhibo dibo. Australia te, Amazon itu competition stream kuribo, aru South Africa te SuperSport available thakibo.
ICC itu Champions Trophy maximum desh khan te available kuri kena ekta dangor event banai dise. Itu tournament Pakistan aru UAE te khela hobo, aru Men in Green tai laga title defend kuribo chaikibo. Tai modot Team India itu trophy reclaim kuri kena 2013 laga glory repeat kuribo aim kuribo.
Add Comment