International Cricket Council (ICC) pora England anro Wales te dhakibole laga ICC Cricket World Cup 2019 laga match officials bura list olai dise. Match officials te Bura duniya te pora 48 match te sabole karne 16 umpires aro 6 match referees loise. Etu World Cup May 30 pora suru kuribole ase, London laga Oval te hosts England aro South Africa facing off dhakibo.
Etu cup te dekhibole laga 22 match officials pora, Kumar Dharmasena, Paul Reiffel, aro David Boon, tai khan teen jun toh former World Cup chitiya khan ase. Dharmasena pora Sri Lanka logot te 1996 te World Cup chiti kena ase, Australian Reiffel pora 1999 (England) aro Boon toh 1978 te World Cup chitiya Australian squad laga hesa te dhakise.
Match officials laga bura list-Umpires: Aleem Dar, Kumar Dharmasena, Marais Erasmus, Chris Gaffaney, Ian Gould, Richard Illingworth, Richard Kettleborough, Nigel Llong, Bruce Oxenford, Sundaram Ravi, Paul Reiffel, Rod Tucker, Joel Wilson, Michael Gough, Ruchira Palliyaguruge, Paul Wilson.
Match referees: Chris Broad, David Boon, Andy Pycroft, Jeff Crowe, Ranjan Madugalle, Richie Richardson.
2019 World Cup toh Ian Gould pora officiate kuribole fourth aro akhre World Cup hobole ase, kintoh tai pora etu tournament biche te international cricket pora retire hobole laga kodha jonai dise. 61 umar umpire, England karne wicketkeeper dhakiya aro 1983 World Cup te bhi participate kuriya manu,pora 74 Tests, 135 ODIs aro 37 T20Is te etya tok toh officiate kuri kena ase.
Add Comment