Panaji, 20 November : India laga rich culture aru storytelling laga mohabbat ke salute kori kene, 56th International Film Festival of India (IFFI) etiya Thursday din para start hoise — aru etu bar official inaugural ceremony laga jagate parade kori shuru kori dise.
Festival November 28 tak cholibo aru itu old GMC building para float parade logot shuru hoise. Parade laga main attraction “Bharat Ek Soor” te desh laga alag-alag jagah pora folk artist khan traditional dance perform kori dise.
IFFI itu platform ase jate Indian creators, producers aru storytellers khan world logot meet kori pare aru Goa itu global experience ke welcome kori thaka gateway ase, buli Chief Minister Pramod Sawant koi dise.
Parade pichete 12 ta state para 12 ta tableau ahise, jate Goa prothom te lead kori dise — jun festival ke global cinema celebration te tone set kori dise.
Open mini truck te iconic film Sholay, Dilwale Dulhania Le Jayenge jotor poster display kora hoise, aru tai pichete Ram Charan laga upcoming film Peddi aru Nandamuri Balakrishna laga Akhanda 2 laga poster bhi thakise.
Chhota Bheem, Chutki, Motu-Patlu nisena beloved cartoon character khan bhi parade te thakise.
Goa laga street khan tree pora jhulai thaka chandelier light pora decorate kora thakise, aru “Mumbai Se Aaya Mera Dost”, “godacho panv” nisena gaan khan pura hawa te gohi thakise.
Actor Anupam Kher, Nandamuri Balakrishna, Manoj Joshi aru filmmaker Rakyesh Omprakash Mehra, Shekhar Kapur, Dil Raju khan parade te attend kori thakise.
Parade shuru hoa age, legendary Telugu actor Nandamuri Balakrishna ke festival opening ceremony te 50 saal cinema te complete kora karone honour kora hoise. Tai koi dise tai IFFI celebration laga part hobo para khushi ase.
Festival te 81 desh pora 240 pora besi film show hobo:
• 13 world premiere
• 5 international premiere
• 44 Asian premiere
Japan 2025 laga “Country of Focus” hobo aru 6 ta specially curated Japanese film show kora hobo, jun taikan laga evolving cinematic language ke represent kori thakise. Spain “Partner Country” aru Australia “Spotlight Country” hobo.
IFFI 2025 laga opening film ase Brazilian auteur Gabriel Mascaro laga “The Blue Trail” — ekta sci-fi aru fantasy feature jun te 75 saal laga ekta mahila Amazon para ekta defiant journey loi jaisey.
Add Comment