IIT-Guwahati authorities students khan ke classroom vapas jabole request kurishey

GUWAHATI, SEPT 11: Indian Institute of Technology Guwahati (IIT-Guwahati) laga students khan para ekta 21 year old fellow student muri jaa laga opor tey protest shuru kura majo tey, etu institute authorities khan Wednesday (September 11, 2024) din tey kuishey etu issues students khan para otha khan bishi serious para loi asey. Media statement ekta tey, etu premier institute para tai laga campus tey etu student laga death para dukh diya toh acknowledge kurishey. “IIT Guwahati agey campus tey ekta student la death laga unfortunate hathsa para bishi dukh puncha toh acknowledge kure aru student community laga chinta khan toh buje. Sob manu khan laga well-being toh ami khan laga top priority thaki asey, aru ami khan fully committed asey sob manu karne ekta safe aru supportive environment promote kuri bole toh,” etu statement kuishey. Itu kuishey institute toh students khan para otha issues khan serious para loi asey. “Institute students khan para otha issues khan serious para loi asey. Director ekta one-on-one discussion loishey students khan logotey jaa kali olop ghanta karne aru tai khan laga issues aru chinta khan la notice toh loishey. Ekta notun Director hoa tey kun olop agey he charge luishey, tai itu issues khan resolve kuri bole committed asey aru overall student laga itu campus tey wellbeing bi ensure kuri bole,” itu toh aru milaishey.