IIT, Guwahati ke disaster management centre bonabole koishe

September 22,2020: Prime Minister Narendra Modi  para  Indian Institute of Technology, Guwahati (IIT-G) ke  institiute te      disaster manag ement   centre bonabole  nimete koishe.

22nd convocation IIT-Guwahati via video conference te kotha  kura samay  te   Prime Minister  Modi Tuesday  te koishe  ki“Northeast region logote  bishi wala possibilities  khan ase    hoilebi etu  te kaam  kura toh floods aro dusra natural  calamities te pheka thakishe.mui kuwa toh IIT-Guwahati khan  para disaster management  nimete  ekta  centre bonabole paribo aro  risk management  nimete etu challenges te ladai kuribole nimete.”

Modi  laga  speech te koishe   IITians area laga  sopna  toh India   ke   bodli kuribole  nimete ase.

PM koishe”apuni khan dikhishe    ekta personalit  apuni khan IIT  te safar shuru kura pichede aro etia     apuni khan graduate  hoishe .etu  bodli toh sobse dangor ase   apuni khan laga teachers aro faculty members nimee.apuni laga  dream toh India ke bodli kuribo.etia  samay  ase  future ready aro future fit thakibole nimete.”

Tai para aro IIT Guwahati   khushi   janaishe  etu   academic  cycle   bithor  te covid-19 induced  pandemic  challenges thakikena  bi kaam kura nimete.

Modi koishe”etu pandemic samay  te institute  para  COVID-19 uporte ladai kuribole  nimete  alag  alag      kits  bonaishe  aro   mettle dikhaishe.academic session khan saikena   apuni khan  laga  research work  kuribole  nimete etu pandemic samay  te   ekta  dikdaar kaam ase   hoilebi apuni khan  bhal kurishe aro   apuni khan laga  kaam toh Atmanirbhar Bharat (self-reliant India) bonabole  laga  raasta te jai ase.”
Prime Minister para aro bi  IIT Guwahati laga  students khan  ke    research toh adat bonabole  nimete koishe tai khan thought processs nimete.

Tai koishe “300  students khan PhD degree paishe  aji.etu toh bhal ase.yete narukhibi.research toh adat bonabi  thought process nimete.”

Covid-19 pandemic thaka  nimete  IIT-Guwahati convocation toh virtually loishe  kuntu te students khan  laga avtaars khan    degree aro medal   director laga haath  para  lobo.

IIT  para aro bi ekta photo booth  bonaishe etu te    alag alag rong  laga    upai thakishe students khan noksa  lobole   nimete  campus  laga  kunba  chuna jaka khan te.