New Delhi, October 18 : Police para koisey, IIT-Kharagpur laga ekjun student ke Wednesday din te tailaga hostel room bhitor te hang kurikina thaka paisey. Etu student tu Telangana para asey aro tai tu fourth-year te thakisey. Tailaga dead body ke post-mortem kuribole pathaisey.
Tailaga dead body ke sobsey first tu tailaga sathi khan para dikhisey . Etu picheyte hey taikey hospital te loijaisey kotey doctor para tai murisey koikina declare kurisey.
Police para etu mamla te jaanch suru kurisey aro unnatural death laga case register kurisey.
IIT tu centre para fund kora laga technical institute asey kuntu toh India laga alag alag jag ate asey aro etu institute tu ekdam dangor consider korey. Aji kali, etu IIT institute khan te suicide laga bisi ghotna olai asey aro bisi case te, academic (pora likha) laga chinta nimitey enaka kurisey koikina olai.
Juwa moina te, Anil Kumar koikina ekjun 21 years laga student tu IIT-Delhi laga hostel room te suicide kurikina murisey. Etu case te suru te investigation kora te janibole parisey ki etu student tu B.Tech in Mathematics and Computing course kuri thakisey. Taikey kunba subject incomplete thaka nimitey aro extra homoi karney rakhi thakisey aro tai tu juwa 6 moina para hostel te thaki thakisey.
Police para etu student laga room para eku suicide note panai hoilebi tai para enaka dangor kadam utha laga karon tu pora likha laga tension hobo koikina suspect kuri asey.
Add Comment