IIT researchers para standardise electric gari olaishe

GUWAHATI: Indian Institute of Technology (IIT) Guwahati te researchers para electric vehicles laga motors & batteries rate koribo nemite technology ekta olaishe. India te original equipment manufacturers (OEM) sobse bhal drive train saman ase koishe. Etu toh hoile unique method ekta ase aro Indian drive-cycles electronic vehicles pithor te standardizes ase, koikena IIT Guwahati para statement te janaishe. Itya dak te researchers khan para Indian drive-cycles toh manikena nai, aro drive cycles bona toh hoile rural aro urban drive-cycles nemite te nahoi koishe. Itya market te Electric Vehicles olaikena thaka toh India laga climatic condition hesab te nahoi, koikena statement te aro janaishe. Etu research toh published hoishe aro ISBN 978-93-5578-973-0, ase. Institute para research toh commercial vehicles te OEMs logot kam koriboli mon, keli koile India te alag-alag climates te drive trains toh bhal bonabo mon thaka nemite. Researchers khan para aro etu technology toh 4- wheelers nemite be kam kori ase, hoilebi itya laga project toh toh kali 2-wheelers nemite he kam kori ase. Electric Mobility Laboratory institute team toh Praveen Kumar, Professor, Department of Electronics & Electrical Engineering para loikena kam kori ase. Etu research toh Indian climatic pithor rural aro urban jaga nemite be saikena kam kori ase koishe.