Mumbai, 4 December : Ikkis laga lead cast aru director Thursday te Mumbai te ekta heartfelt tribute dibo event organise kuri dise Second Lieutenant Arun Khetarpal ke, juntu India laga youngest Param Vir Chakra recipient ase. Ikkis India laga youngest Param Vir Chakra awardee Arun Khetarpal laga true, untold story ke liai ase — juntu 1971 Indo-Pakistani war te 21 saal te he service kori thaki ase.
Agastya Nanda film te Lt. Arun Khetarpal laga role play kori ase. Tai laga logot Jaideep Ahlawat aru Simar Bhatia prominent role te join kuri ase. Film itu Sriram Raghavan pora direct kora ase.
Lt. Arun Khetarpal laga bravery celebrate kuri bole, film makers ekta tribute event organise kuri dise, juntu te Indian Army officers aru film laga lead cast uposthit thaki ase. Lt. Gen. D.S. Kushwah aru baki Indian Army officers laga presence te, Ikkis laga makers Arun Khetarpal laga photo logot group photo loi dise.
Agastya Nanda bhi emotional hoi jai thaki ase tai laga movie journey recall kuri thaka time te, juntu te tai Arun Khetarpal laga role portray kuri ase. Nanda attendees ke address kori koise ki Arun Khetarpal ekta “brave aru passionate” India laga soldier thaki ase.
Event itu end hoi jai ekta dangor army tank unveil kuri, juntu Arun Khetarpal laga 1971 war te contribution ke remember kuri bole rakha ase.
Ikkis December 25 te release hobo. Itu movie te late, legendary actor Dharmendra laga last appearance bhi thakibo, karon actor November 24 te Mumbai te tai laga residence te pass away kuri dise.
Add Comment