New York, 22 April : Isra Hirsi, Democrat Congresswoman, Ilhan Omar laga maiki bacha, kuishey ki tai laga anti-Israel protests karney suspension piche dey tai bhuka asey aro ghor nai huishey, Thursday dey. US Congresswoman kuishey ki tai toh tai laga maiki bacha upar dey garv asey pro-Palestine protests upar dey tai laga arrest piche dey.
Isra Hirsi, 100 students maju dey thakisheh kun khan ke New York Police Department para arrest kurishey, Barnard College aro Columbia University, New York dey.
Kunwa protesting students ke taikhan laga college boarding para suspension dishey, taikhan camps dey buhina haliwoley mana kuria piche dey, prestigious Ivy League college dey Thursday.
Hirsi, Apartheid Divest laga hundred member logot, ekta anti-Israel student group, jaa haafta campus dey ekta sit-in protest kuri thakishey.
Hirsi kuishey ki taike police custody dey eight gondha karney dhurishey, kuntu uncomfortable thakishey.
Tai claim kurishey ki Barnard laga president, Laura Rosenbury, students khan upar dey ekta tough stance luishey.
Add Comment