August 25, 2025, 06:26 PM: Itu District Administration, Food Safety Authority, aru Police, Dimapur tey, ekta joint inspection kuria laga thakishey 8th August, 2025 tey, packaged thaka pani bottle khan aru reverse osmosis (RO) treatment target kuri kena, kun khan toh hoiley valid license nathaki kena operate kuri asey tai khan dhuriboley.
Itu inspection laga homoi tey, official khan para alag alag establishment khan ke prescribe kuri kena thaka pani laga quality aru safety standard khan ke violate kuria laga dhuriboley parishey. Summon order khan issue kurishey, 13 default kuria unit khan ke, penalty khan bhi impose kuri di kena, legal provision logotey. Charta operator khan toh – M/S Kugaho, M/S AA Water, M/S Elixir, aru M/S Drizzle – khan ke operation khan pura puri bon kuri diboley laga decide kurishey.
Itya karney 34 pani laga bottle package kuria laga plant khan asey, itu Food Safety Authority, Dimapur laga jurisdiction under tey, kun khan logotey valid license khan asey, itu Food Safety aru Standards Authority of India (FSSAI) para.
Itu Deputy Commissioner para shuru shuru tey, sob Food Business Operators (FBOs) khan ke direct kuria laga thakishey, packaged thaka pani bottle khan tey deal kuria laga, FSSAI license khan banai loboley aru pani laga sample test kuriboley koi thakishey, certified laboratory khan para. Itu nakuria businee khan ke warn kuria laga thakishey agey para, tai khan ke operate kuriboley nadiya hoi jabo koi kena aru misa mishi laga label khan lagaishey koilebi.
Add Comment