AUGUST 08,2020: Indian Medical Association (IMA) khan Saturday te khobor dishe ki desh te komti hoilebi 196 doctors khan COVID-19 para murishe.
IMA para koishe “Murijaa doctors khan te bishi wala toh general practioners khan ase .”aro Prime Minister ke etu chamela sabole nimete koikena janaishe.
IMA para press statement te koishe “ IMA para jamaa kura latest data hisaab te ami khan laga desh para 196 doctors khan harishe etu te 170 toh 50 sal para uporte thakishe etu te general practioners khan 40 percent nishena ase.”
Statement te koishe”aro bi bishi wala doctors khan infect hoikena ase aro murijai ase hudai din ekta bishi wala manu khan general practioners khan thakishe.”
IMA para aro bi koishe “bishi wala population khan para general practioners khan ke kotha kuribole lageh beemar nimete aro symptoms nimete tai khan contact nimete first point ase care nimete doctors body nimete.”
IMA para Prime Minister Narendra Modi, ke chiti dikena tai ke koishe doctora aro tai khan laga ghor manu khan ke sabole nimete.
Aro khobor paishe ki ima te komti hoilebi 3.5 doctors khan nishena ase desh te aro tai khan sob ke affordable health care services khan di ase.
IMA para statement te koishe “etu nimete tai khan para India laga government ke pandemic samay te doctors khan laga safety aro welfare nimete bhal para sabole koikena janaishe.”
Add Comment