Imane Khelif para inline harassment laka against legal action lui shae

August 11, 2024: Friday din deh Boxer Imane Khelif sob online harassment laka against ekta legal complaint bani shae. Tai recently women’s welterweight boxing deh China laka Yang Liu keh harai di nah, taila country karne ekta gold jiti shae, Paris Olympics deh. Tai, Italian boxer Angela Carini laka against match kila piche deh gender controversy tho shuru hui shae aro etu hua piche deh taike troll kuri taki nah ahi ase. Algerian boxer para hate comments laka against ekta legal complaint file kuri shae, kuto para tai tho maike nahoi kui nah claim kuri taki shae. Khelif laka lawyer, Nabil Boudi para online harassment laka against ekta formal complaint file kuri shae kui shae. “Gold medalist para etu kui shae,” Social media deh mui laka ki kotha kuri ase, etu kan pura immoral ase. Mui dunia laka mindset tho change kuri bole mun jai.” Khelif para etu aro kui shae,” ath sal karne, etu tho muila sapna taki shae aro mui itia Olympic champion aro gold medalist ase.” Khelif keh gender scrutiny laka mamla deh question kan hudi shae aro tai para etu jawab di shae,” Utu hamla kan karne mui laka success keh ekta special taste di ase. Mukan athletes taka karne Olympics deh perform kura ase. aro aha Olympics deh enaka nishi nah hamla kan nahubo kui nah hope kuri ase mui.” Gender scrutiny tho taila opponent, Carini para shuru kuri shae kun health concerns taka karne match para olai jai shae. Tai para etu kui nah olai jai shae,” mui kitia b enaka punch kah nai,”