Nagaland, November 20 – Inter-Ministerial Central Team (IMCT) 19th November 2025 te Dimapur aru Chumoukedima District Disaster Management Authorities (DDMA) aru various department laga officials logote briefing meeting Niathu Resort, Chumoukedima te hold kurishe. Meeting Sentiwapang Aier, Additional Secretary, NSDMA para chair kuri she.
Meeting te, Chumoukedima aru Dimapur laga Deputy Commissioners PowerPoint presentation dikhai dishe, juntu te flash flood aru landslide para duita district te khan road, housing, aru community infrastructure te hura hobo laga damages uporte detailed overview dikhai dishe.
Team leader Gaya Prasad, Joint Secretary, Ministry of Home Affairs, koishe ki IMCT laga purpose hoishe spot te jai kina monsoon 2025 te huwa floods aru landslides laga damages assess kori bole. Tai assure koishe ki team rules, regulations aru guidelines hobo laga hisap para public ke justice dibo, aru final report central government ke submit kori dibo. Report te relief recommendations aru long-term solutions bhi include hobo.
Din shurute, IMCT members District Administration, NSDMA aru other officials logote milikena Dimapur aru Chumoukedima district te flood-affected areas visit korishe, on-spot assessment bhi kuri thakishe.
IMCT te thaka members khan hoishe:Gaya Prasad (Team Leader), Joint Secretary, Ministry of Home Affairs, Mahesh Kumar, Deputy Director, Department of Expenditure, Ministry of Finance, Sanjeev Kumar Suman, Director, Ministry of Jal Shakti, Assam, Deeraj, Regional Officer, Ministry of Road Transport & Highways, Chahat Singh, Assistant Commissioner, Ministry of Rural Development, Nirmala S. Jain, Scientist, NRSC, ISRO.
Add Comment