Immigration aru Foreigners Bill ke President assent dishe

New Delhi, 04 April 2025: President Droupadi Murmu April 4, 2025 (Friday) te Immigration aru Foreigners Bill, 2025 ke tai laga assent dishe. Jun tu foreigners aru immigration laga related issues ke deal kuribi, aru etu bill etia para law hoishe.

Etu legislation April 4, 2025 te President laga assent paishi aru gazette notification te publish kura pichete etu law hoishe.

Etu law hissab te, jodi kunba jun forged passport nahoile visa use kuri India te entry, stay, nahoile exit kuribole. Tai opor te maximum sath saal jail aru ₹10 lakh tak fine laga punishment hobo.

Legislation te etu bhi mention kure ki hotels, universities, educational institutions, hospitals aru nursing homes, ke mandatory kuri dise ki tai khan laga foreigner guest khan laga information report kuribo lagibo, jun tu overstaying foreigners khan ke track kuribo karone help kuribo.

Sob international airlines aru ships khan ke bhi India laga port nahoile kunba specific place te passenger aru crew laga information advance te submit kuribo lagibo civil authority nahoile immigration officer ke.

“Kunba jani jani kena forged passport, fraud para loah travel document nahoile visa cholai kena India te entry, stay nahoile exit kuri thake, tai minimum dui saal jail aru maximum sath saal tak jail hobo. Tai opor minimum ₹1 lakh tak fine aru maximum ₹10 lakh tak fine hobo,” etu Act te likha ase.

Act etu te aru mention kuri se ki kunba foreigner India te valid passport nahoile travel document nathaki kena entry kuri thakile, tai opor maximum panch saal jail nahoile ₹5 lakh tak fine, nahoile etu duita hobo.

Etu legislation central government ke power dise “kunuba jagah jun tu foreigner khan besi visit kuri thake,” etu jagah opor control rakhibole, owner ke place bondh kuri dibole, specific condition te khulibole dibole nahoile kunba “specific type foreigner” ke entry mana kuri dibole directive dibole.

Etu Act sob foreigners aru immigration laga matter regulate kuribo karone ekta comprehensive law ase.

Age teh foreigners aru immigration related matter alag-alag Act hisap te administer kuri thakise, Passport (Entry into India) Act, 1920, Registration of Foreigners Act, 1939, Foreigners Act, 1946, Immigration (Carriers’ Liability) Act, 2000. Etia etu sob law repeal kuri she, ekta new comprehensive law banidishe.