January 11, 2025, 08:16 PM: Itya thaki thaka laga gap khan ke acknowledge kuri kena, itu state laga education system tey, particular para higher education aru vocational training tey, itu tribal affairs aru higher education laga minister – Temjen Imna Along apra itu youth khan ke “gyan bisara laga manu” hoboley karney encourage kurishey, aru itya laga evolve hoi thaka demand khan ke adapt kuriboley koishey, itu modern duniya laga.
“Moi khan itya bhi bishi pichey asey, research aru vocational study khan nishina tey. Moi khan education upgrade kuria toh hoiley critical asey, judi moi khan Naga ke transform kuriboley mon asey koiley, ekta strong aru vibrant society tey”, tai para koishey.
Itu minister toh hoiley, itu Southern Angami Students’ Union (SASU) laga 75th anniversary celebration tey kotha kurishey, kuntu toh hoiley Multipurpose Hall, Sweba, Viswema tey para loishey, itu “Igniting Excellence” laga theme under tey, Thursday tey. Tai para aru, tradition aru culture laga importance acknowledge kurishey, itu nimitey cohesive planning lagi asey koi kena aru student khan laga support lagi asey koi kena, kun khan aspire kuri asey, competition exam khan tey appear kuriboley nimitey.
Add Comment