Imphal deh first North East Olympic game suru

Agencies, 24 October: Wednesday din Imphal jaga laga main stadium Khuman Lampak sports complex deh  first North East Olympic game toh Chief Minister of Manipur N. Biren Singh pora suru koridese. Etu game toh 28^th October 2018 deh kothom hobole ase. Jama howah jaga deh Chief Minister pora North East of India toh eki culture aro features nesana thaki kena alag identity ase koise. Regin ke tusara desh laga borders logode ase koise. Tai pora poila socio-economic and geographical realities aro  challenges toh thek pora phal hoi kena agae jabole na-para thakise koise. Etu karni sports pora peace aro friendship annibo karni region pora lamba din bhabuna kori thaga ase koise. Tai pora be region deh talented sportsman aro tusara fields debe talent thaga khan besi ase koise. Manipur aro tusara north-east pora koride kena ase aro ami khan laga desh ke naam ocha kora toh regional, national aro  international levels deh pari kena ocha korise. Chief Minister pora khobor janaideya toh, North East Olympic Association laga joint meeting toh July 24^th 2017 deh loise aro etu time deh North-East Olympic game naam dekena lobule mana thakise koise. Tai pora sob sportsman logode janaideya toh, games khela pora health aro mind thek pora rakhi aro khelari khan majode phal friendship aro co-operation thakibo karni phal pora khel khelibole janaideya thakise. Tai pora sportmanu toh team khan phal hobo nemide tai laga personal interest toh sacrifice koribo lagi koise. Aro tai jetibo karni khela game deh serious lobo lagi aro focus koribo lagi koise. Chief Minister pora game toh khula thakise aro etu time deh oath taking ceremony, teams march off, band display aro cultural program thakise. Etu tournament deh Nagaland laga 175 khelari khan majode team manager coaches be meli kena ase. North East Olympic game deh 12 alag-alag games ase. Etu games khan laga naam toh archery, athletes, badminton, football, judo, shooting, table tennis, weight lifting, taekwondo, karate, boxing aro wushu ase.