IMPHAL | January 6, 2019:
Friday te government special class contractor Y Tomba laga ghor te hand grenade bhutishe. Etu toh rebels para kora suspect kuri ase. Etu ghatna toh 6pm te hoishe. Khobor hesab te eku casualties toh huwa nai koishe.
Times of India hesab te attackers toh IED bag te hali kena ghor laga gate te raki kena thakishe. Etu toh olop samay pichete bomb toh nophuti kena loi jaishe.
Saturday te Yaiskul te thak manu khan etu ghatna opor te biya pai kena protest kurishe.
Khobor hesab te CCTV camera footage hesab te duita chokora scooter para contractor laga residence te aha dekishe. Ekta chokora toh blue bag gate osor te rakhi kena dekhishe aro dusra chokora toh grenade ghor bhar te phalaishe.
Police tara-tari spot te rush kurishe aro locals khan ke koishe etu ghatna huwa jaga laga osor te no jabole koishe. Bomb experts khan spot te rush kuri pungchishe aro bag scan kora pichete te bag te IED thaka confirm kurishe. Tai khan bag toh further procedures nimite loi kena jaishe. Police para etu matter opor te case register kurishe. Kun bhi etiya tok etu ghatna logote connect thaka jana nai.
Police koishe eu ghatna toh junba underground groups para poisa demand kora laga connection te hubo pare koishe. Case file kora samay para etiya tok te kun group bhi etu blast kora laga claim luwa nai.
Etu ghatna toh Prime Minisiter Narendra Modi Imphal chara panch ghonta pichete hoishe. Prime Minister toh Hapta Kangjeibung te mammoth public meeting te kotha kurishe.
PM visit kora samay te eku unwanted incidents nohubole Imphal pura te dangor scale security arrangements kuri kena thakishe.
Add Comment