GUWAHATI: 2022 Manipur Assembly elections osor pongcha samai, Nitish Kumar-led JD (U) para Imphal te December 18 darik te mega rally organize korishe. JD (U) toh notun national president Rajiv Ranjan Singh alias Lalan Singh leadership pithor te Manipur aro dosura northeast region states te party harikena thaka te aro wabas aniboli mon thikena kam kori ase, koikena TOI para khobor toh janaishe. “Lalan Singh laga guidance pithor te East Imphal district te December 18 darik te mega rally thakiboli planned korishe aro etu toh state te 2022 assembly polls toh March moina nemite ase,” koikena JD(U) Manipur state president Hangkhanpao Taithul para khobor toh janaishe. Tai para koishe ke, etu saal Manipur te harvesting season toh thiri hoishe, hoilebi December 15 dak te kotom hobo aro etu beche Christmas akhe te festive season thakibo aro etu mega rally samai manuh besi ahiboli bapana te ase. Mega rally yoh Lalan Singh para led koribo koishe. Taithul para koishe ke, Lalan Singh aro JD(U) laga dosura national leaders khan toh December 17 darik Imphal te rally samai samil koribo. Dosura state kuat br MLA nai. Arunachal Pradesh te 2019 assembly elections samai party para 15 seats pithor te 7 seats jetishe aro tai khan toh BJP beche sobse second tangor party hoishe. Hoilebi, December 2020 saal te 7 MLA pithor te 6 MLA’s para BJP joined korishe, etu nemite Northeastern state te JD(U) itya kali 1 MLA ase.
Add Comment