February 17, 2024: Country deh next government form kuri bole koshish kura time deh. Friday din deh Former Pakistan Prime Minister Imran Khan laka Pakistan Tehreek-e-eInsaf para taikan Centre aro Punjab deh opposition laka jaka deh buhibo kui shae.
Party para prime minster laka candidate karne Umar Ayub Khan laka nam di shae aro Punjab laka chief minister karne Aslam Iqbal laka nam dia piche deh, etu decision tho Pakistan Tehreek-e-Insaf laka barrister Ali Safi para announce kuri shae.
Said para media keh party tho party founder Imran Khan laka instruction pitor deh opposition deh buhiboleh decide kuri shae kui shae Centre aro Punjab deh.
“Mukan laka votes laka isap deh seats pai shae koile tho aro results change kura nai koile tho mukan aji Centre deh taki bo taka ase 180 seats lokot deh. Mukan laka candidates kan jiti shae kui nah mukan evidence ase. Hoile b mukan opposition deh buhi bole decide kuri shae,” news agency PTI para tsai keh quote kuri shae.
Party para taikan “ Parliament deh 180 National Assembly seats aro two-thirds majority” jiti shae kui shae hoile b illegitimate, fascist regime para kati di shae kui shae.”
