February 23, 2024: Friday din Pakistan Tehreek-e-Insaf laka leader Imran Khan para tai IMF keh ekta letter patai shae kui nah confirm kuri shae. Imran Khan para IMF keh election results lak audit ekta hold kuri b kui shae Islamabad karne nutun loan kan approve nakura time deh.
“Letter tho IMF keh liki di shae aro aji dispatch hobo. Enaka time deh country ekta loan pai shae koile, kun wapas tera bo?” news agency ANI para Imran Khan keh quote kuri nah kui shae. Imran Khan para loan tho country laka debt aro add kuri bo kui shae.
Alak side deh, PML-N leader aro Pakistan laka former finance minister, Ishaq Dar para etu letter karne Imran Khan keh slam kuri shae. Dar para letter deh eku significance nai kui shae aro Imran Khan laka act tho condemnable ase kui shae. “personal gain karne letter lika tho sorom kotha ase. PTI founder laka letter deh eku significance nata kibo”
Jua sal, Pakistan para successfully USD 3 billion program laka ekta short term program secure kuri shae IMF para, kuto para ekta sovereign debt default prevent kuri bole ekta zaruri role play kuri shae.
Add Comment