Imran Tahir toh ICC World Cup 2019 pichete ODIs para retire kuribole ase

Dubai: South Africa laga leg-spinner Imran Tahir para decide kurishe ke tai World Cup 2019 pichete international ODI cricket para retire kuribo.

Tahir toh World Cup pichete T20 World Cup pichete T20 franchise nimite tai nijor ke available kuribo. Tahir toh Pakistan jaga te jonom hoishe. Tahir laga umar toh etiya 39 years ase.

Tahir koishe ke tai toh South Africa nimite T20 format toh khela continue kuri thakibo. Aro tai koishe ODI format te toh notun javan talents khan Proteas nimite prosper kuri thaka sabole echa ase.

Tahir koishe etu pichete Cricket South Africa para tai ke jai kena duniya laga alak alak league te khelibole allow kurishe. Hoiel bhi moi toh South Africa nimite T20 cricket khelibole echa ase. Moi etu opportunity nimite bishi grateful ase.

Tahir toh January 1, 2011 te South Afruca nimite khelibole qualify kurishe. Aro tai toh Cricket World Cup 2011 nimite select hoishe.

Player toh tai laga international career te bishi accolades achieve kurishe. West Indies khilaf te match khela samay te tai ODI te saatha wickets luwa sob para poila South African hoishe.

Tahir toh aro ekso (100) wickets pungcha sob para fastest South African ase.

Tahir toh 95 ODIs te 24.56 te 156 wickets loishe. Aro ahi thaka England te hubole thaka World Cup te bishi zaruri role lubole expect kuri ase.