Indefinite curfew impose kuri dishey Imphal tey

IMPHAL, SEPT 10: Manipur government indefinite curfew ekta impose kuri dishey pura Imphal East aru Imphal West district tey, Tuesdau din tey 11:00 AM para effect tey huina, phat uthi thaka violence toh khotom kuri bole aru further disturbances khan toh rukhabole. Itu toh itya West Imphal tey students aru authorities khan laga beech tey jaghra chuli thaka, kuntu widespread property damage aru injuries khan tey result kura la pichey ahiye. Ekta official order tey, District Magistrate Th. Kirankumar Bharatiya Nyarik Suraksha Sanhita, 2023 laga Section 163 toh request kurishey, panchta (five) nahoilebi opor manu khan jama kura toh rukhabole arum anu khan tai khan laga ghor khan bahar birai thaka toh bi restrict kuri bole. Lagi thaka services khan healthcare, electricity (bijili), public health engineering, press, electronic media, aru court personnel nishena khan toh etu curfew para free thakibo. District magistrate para shuru tey phujor panch baji (5 AM) para rati dus baji (10 PM) tak ekta curfew relaxation dishey le, etu order toh replace kuri dishey, aru sob curfew relaxations khan immediate effect logotey othai di jaishey.