Ranchi, 25 October: Host India kali din te Ranchi te cholithaka 4th South Asian Athletics Federation (SAAF) Senior Athletics Championships laga opening day te total 14 medal jiti loise — 5 gold, 6 silver aru 3 bronze. Games Birsa Munda Football Stadium, Morabadi te ekta spectacular shuruaat loi thakise.
Men’s 5000 metre race te, India laga Prince Kumar 14 minute 22.17 second te finish kori championship laga first gold medal jiti loise. Itu laga pichhe Sri Lanka laga Vakshan Vicknaraj silver medal loise, aru Nepal laga Mukesh Bahadur Pal bronze medal loise.
Women’s 5000 metre race te, Sanjana Singh gold medal jiti loise, aru tai laga compatriot Seema silver medal loina India karone ekta 1-2 finish mark korise.
Men’s Shot Put te, opening ceremony te Team India laga flagbearer Samardeep Singh Gill 19.59 metre throw kori gold medal jiti loise. Silver bhi India laga Ravi Kumar loi loise, aru Sri Lanka laga Mithunraj bronze medal jiti loise.
Women’s Shot Put te, India laga Yogita gold medal loise aru Shiksha silver medal loi loise. Women’s Triple Jump te Poorva Sawant silver medal jiti loise. 4×400 metre mixed relay race te bhi Indian sprinters gold medal loi loise.
Add Comment