India: 24 gonda 4,03,738 notun cases aro 4,092 morishe

New Delhi: Sunday din India te novel coronavirus notun cases toh 4,03,738 thurishe aro etu oper te bemari para 4,092 manuh morishe. Union Health Ministry laga data hesab te India te 24 gonda pithor te 3,86,444 discharges hoishe aro sob melaikena bemari para bhal howa toh 1,83,17,404 ase. India te sob melaikena COVID-19 toh 2,22,96,414, te ase aro active cases toh 37,36,648 hoikena ase, data hesab te janaishe. India te sob melaikena 2,42,362 manuh morikena ase. India te itya dak sob melaikena 16,94,39,663 manuh logot COVID-19 vaccine thikena ase. India laga COVID-19 tally toh August 7 darik dak te 20 lakh pongchise, August 23 te 30 lakh, September 5 te 40 lakh aro September 16 te 50 lakh thakishe. Etu hoikena aro September 28 te 60 lakh, October 11 te 70 lakh, October 29 te 80 lakh, November 20 te 90 lakh aro December 19 dak te 1 crore pongchise. India te 2 crore toh May 4 darik te pongchise. Etu samai, India logot 2,060 oxygen concentrators, 30,000 vials of Remdesivir, 467 ventilators aro 3 oxygen generation plants toh US- India Strategic Partnership Forum (USISPF), Switzerland, Poland, Netherlands aro Israel para Friday din pongchise, koikena government para janaishe. Saturday din Union Health Ministry laga statement hesab te,  India toh April 27, 2021 darik para alag-alag desh aro organizations laga hath para international donations aro aid of COVID-19 relief medical supplies aro saman pai ase koishe.