Bhubaneshwar, 1 December : India ekta tuita-goal advantage luishey kuntu piche dey 3-4 girishey jaa edition laga runners-up Germany khilaf ekta thrilling FIH Hockey mahila laga Junior World Cup match dey. Annu (11′), Ropni Kumari (14′), aro Mumtaz Khan (24′) toh India karney goal scorer thakishey, kitia Sophia Schwabe (17′), Laura Pluth (21′, 36′), aro Carolin Seidel para (38′) Germany karney score kurishey Thursday dey. India julti ekta passing rhythm dey ghusi jaishey, khel ke dominate kurishey opening quarter dey possession control kurina aro Germany laga defensive line test kuri thakina.
Huilewi juti taikhan kosis kurishey agey dey, India ke Germany laga sturdy defence para haraishey, kuntu para taikhan ke scorw kuriboley dianai quarter laga bondh kuria minute tak.
Itu pressure thakia homoi Indian team khana consecutive penalty corners paishey, aro Annu para second opportunity luishey ekta powerful shot logot, kuntu para score kurina tai laga team lead kurishey.
Itu deadlock phangaina olob deri piche dey, India agey dey taikhan laga position solidify kurisheh kitia Ropni para scorw kurisheh alag ekta penalty corner para kuntu para taikhan ke ekta 2-0 lead dishey agey quarter piche dey.
Germany, itu podli kuriboley determined thakina, second quarter dey notun zeal logot ahishey. Taikhan laga kosis faal dishey kitia Sophia para ekta impressive field goal kurishey.
Building on this momentum, Laura fired a powerful strike to level the score. However, India swiftly responded as Mumtaz skillfully put the ball past the opposition’s goalkeeper, shifting the momentum back in India’s favour and putting them in front again as they went into the half-time break with a 3-2 lead.
Taikhan laga lead rakhiwoley mun jaina, India para ball possession rakhiboley kosis kurishey third quarter dey, huilewi Germany para score level kuribo parishey. Laura second par karney strike kurishey aro khel eki kuri dishey.
Taikhan laga resurgence para motivate huina, Germany para taikhan laga attacks intense kuri dishey, aro Carolin goal para lead luishey ekta penalty corner para.
India para taikhan laga attacks uthaishey. Huilewi, juti taikhan kosis kurishey, score toh 4-3 thakishey Germany laga favour dey third quarter khotom hua homoi.
Final quarter dey ekta aggressive display dikhibo parishey tuita sides para bhi, kitia Germany osor dey thakishey taikhan lead agey lui jawoley.
Huilewi, Indian goalkeeper Madhuri Kindo laga exceptional save para ekfa one-on-one situation deh Germany ke taikhan laga lead agey lui jawoley dia nai.
Kitia, India consecutive penalty corners paishey khotom huwoleh homoi huilewi convert kuribo parianai. Itu fourth quarter eku goals nathakina khotom huishey.
Itu Indian team ahia dey Belgium ke samna kuribo taikhan laga third match dey tournament laga Saturday dey.
Add Comment