Agencies, 22 October: Monday din Mumbai jaga deh India A aro Australia A toh three match T20 series laga suru match khela thakise. Etu time deh India A four wickets pora jetibole parise. Smriti Mandhana aro Harmanpreet Kaur toh bat deh ektum phal khel khela karni India A jeta deh motob paise. Bat deh first juna, Australia A toh 20 overs laga deh 160/6 bonabole para thakise. Mumbai Cricket Association’s Bandra-Kurla Complex jaga deh Australia A nemide Heather Graham 43 score pora top mara thakise. Hoilebe Mandhana (72 off 40 balls) aro Kaur (45 off 39 balls) pora Ausstralia bowlers ke jetibole para thakise. India A pora 163/6 score mara karni target deh aram pora pongjibole parise aro tai khan extra over be bachi kena kothom hoise. Jemimah Rodrigues (4) aro wicket-keeper Taniya Bhatia (0) sosta pora out howah bechide Mandhana toh bat deh ahha thakise. Tai aro Kaur meli kena khel to jeti lowah ase. Ketya kaur kerise etu time deh India A toh 126-4 pora thakise. Hoilebe all-rounder Pooja Vastrakar toh out nahoi kena 21 run lowah karni India A jeti lowah thakise. Etu agae Graham ke chari kena, Aussie laga khelari Tahila McGrath (31) aro Naomi Stalenberg (39) toh batting deh ektum phal pora suru howah thakise. Hoilebe tai jun dangor score maribole napara thakise. Indian bowlers pora ekta-ekta over deh wicket toh lowah thakise aro opposition khan logode besi run lobole chance nadiya thakise. India A karni Anuja Patil aro Deepti Sharma pora two wickets each loise. Second game toh eki jaga Wednesday din khelibole ase.
April 26, 2026
World's First and Only Nagamese Newspaper
Add Comment