Agencies, 13 October: Saturday din Suzhuo jaga deh India aro China majode International friendly match khela thakise. Etu time deh tuita team pora be goal thalibole napari kena 0-0 draw hoise. Stephen Constantine’s side laga khelari khan pora ektum phal performance khela thakise. India defence pora host logode goal thalibole chance nadiya thakise. China logode 17 par log kora bechide India toh first jetibole biswas kora thakise. Hoilebe India toh China laga record ke phangkabole para nai. Etu tuita team toh first time 21 sal bechide khela laga ase. Blue deh thaga manu khan pora ektum chance bona thakise aro China logode goal thalibo karni kosish kora thakise. Olob time bechide orange deh thaga Marcello Lippi’s team pora control kora thakise aro Indian defence logode test kori thakise. Goalkeeper Gurpeet Singh Sandhu pora ektum phalse bacha karni scoreline level toh 0-0 deh thakise. India khan ektum phal pora suru howah thakise aro China’s Yan Junling pora 10 minute time deh mara deh bachabole parise. Game deh control kori kena thaga China khan besi par counter-attacks kora thakise. Aro Indian keeper osor tak box deh besi par pongja toh Gao Lin thakise. Olob time bechide Hao Lin pora Indian defence logode test kora thakise. Tai ektum fast pora counter khela thakise. Hoilebe Gurpreet pora ektum phalse bacha lowah thakise. Second half time deh China khan ektum phal pora suru howah thakise aro tai khan besi par sunstitutions putli kora thakise. Gao Lin pora aro be goal deh shot mara time deh ball toh opor deh jaija thakise. Etu pora India laga mon toh aram howah thakise. China khan besi phal goal thalibole kosish kora toh second half time deh thakise. Extra five minute time deh India khan toh jetibole thaga ase. Hoilebe Farukh Chowdhury’s pora shot hara time deh Chinese keeper pora block kora thakise.
Add Comment