India aro China kan border para troops withdraw kuri bole acha kui shae

July 26, 2024: India aro China kan eki lokot deh kam kuri bole acha kui shae, taikan laka disputed border para hazar nishi nah troops kan withdraw kuri bo karne, India laka government para Friday din deh kui shae. Indian Foreign Minister Subrahmanyam Jaishankar, taila Chinese counterpart, Wang Yi lokot deh mili shae, Thursday din deh.. Taijun Association of Southeast Asian nations meetings laka sidelines deh mili shae, kuto Laos deh hui ase. Tateh taijun, disputed Line of Actual Control deh taka issues kan tho phat resolve kuri bo lakeh kui nah stress kuri shae. Line para Chinese aro Indian-held territories keh alak kuri deh, West deh taka Ladakh para Arunachal Pradesh laka eastern state tak, kuto China kan claim kureh. July 2020 deh military clash hua piche deh, tuita country laka majo deh ties tho bia hua shuru hui shae. Etu military clash deh kom seh kom 20 soldiers caro chartha Chinese soldiers muri jai shae. Enaka hua tho ekta lamba standoff hui jai shae, mountain jaka deh. Standoff deh India aro China kan b alak alak side deh hazar nishi nah military personnel kan station kuri shae, artillery, tank aro fighter jets laka support lokot deh. India aro China b, kun bah north aro southern banks para taikan laka troops kan keh withdraw kuri di shae, hoile b extra troops kan itia b maintain kuri ase.