Pakistan aro Afghanistan deh terrorists operate hoi kena thaga khan toh New Delhi aro Islamabad majode ektum bhoi khai kena ase. Etu khobor toh, Chief of US Central Command nohoile CENTCOM General Joseph Votel para kowah ase.
General para Dawn deh koikena thaga toh, “Pakistan aro Afghanistan majode terrorism thaga khan toh Afghan deh thakibo karni bhoi khai ase aro etu opor deh tai khan Paksitan aro India majodebe bhoi khai ase”.
Genral Votel toh Pak-Afghan region nemide Washington’s military strategy supervision be hoi. Tai para kowah toh, “US para Pakistan logode security motob dekena thaga be suspect hoi kena ase. Etu toh US aro Pakistan relationship majode terrorist khan toh thaga nemide ase”. Etu kotha toh India aro Pakistan majode tension hoi thaga nemide kowah ase. India para Pakistan;s Balakot jaga laga JeM camp deh hamla howah bechide India aro Pakistan majode hawah para hamla howah thakise.
India para Pakistan laga mathi deh Jaish-e-Mohammad (JeM) logode hamla kora ke US para support korise aro Pakistan khan logode terror ke action lobo lagi kowah thakise.
India para actions lowah ke ‘counter-terrorism’ action ase koikena US Secretary of State para kowah toh, “February 26 direk Indian para counter-terrorism actions lowah bechide ami Indian Minister of External Affairs Swaraj logode kotha korishe. Etu time deh ami khan para security partnership debole koishe aro region deh peace aro security thakibole kotha korishe”.
Add Comment