india aro Pakistan maju dey mota laga hockey Dushman.

New Delhi, 10 August : Kutey huilewi India vs Pakistan thakishey sob manu josh ahey. Tuita maju dey dushmani thakia toh sports dey bishi khota kui.

Wednesday dey, India para Pakistan ke Asian Champions Trophy laga Final round-robin league match dey 4-0 harishey aro ekbar bhi naharina semi-finals khusishey.

Yatey hockey muikhan Indian aro Pakistan ekjun ekjun laga khilaaf khilia dikhibo parey aro alag dangor tournaments dey bhi.

India aro Pakistan toh sob milaina 179 matches khilishey aro Pakistan toh India laga khilaf 82 matches jitina 65 matches harishey. 32 matches toh draw dey khotom huishey.

India aro Pakistan bilateral series dey 52 matches khilishey. Yatey bhi, Pakistan toh upar haat asey kitia taikhan 25 matches jitishey, 16 matches harishey aro 11 matches draw dey khotom huishey.

Olympics dey, India aro Pakistan kun 11 Olympic gold medal maju dey padi asey, 7 par log paishey, kutey India tuibar jitishey, Pakistan charpar jitishey aro ekta draw huishey.

World cup matches dey, India para 5 matches dey 3 jitina tuita harishey aro itu para upar haat asey.

Champions Trophy dey, India aro Pakistan 19 matches khilishey kutey India 7 matches jitishey aro 12 matches harishey.

Asian games dey, India aro Pakistan kun 11 Asian games title maju padi asey, Pakistan para 15 matches dey India ke 8 par haraishey kutey India 4 par jitishey aro 3 par draw huishey.

India aro Pakistan Asia cup dey 9 matches khilishey, kutey India 3 matches jitishey, 5 harishey aro ekta draw huishey.

Asian Champions Trophy dey India toh Pakistan laga khilaf upar haat asey kiley koiley India para 11 matches dey 7 jitishey, tuita harishey aro tuita draw kurishey.

FIH Hockey World League dey, India toh Pakistan para harawoley naparina asey kutey India para 3 matches dey tuita jitishey aro 1 draw kurina asey.

Afro-Asian Games dey wi India ke harawoley naparey kutey India aro Pakistan tuita matches ekjun laga khilaf khilia dey India tuibar bhi jitishey.

Alag matches dey, India aro Pakistan ekjun ekjun khilaf dey 53 khel khilina asey, kutey India 18 khel jitishey aro Pakistan 23 khel jitishey.

12 matches toh draw dey khotom huishey.

Wednesday dey Asian Champions Trophy thakia toh traditional dushman laga maju dey 179th hockey matches thakishey aro India para 4-0 jitia toh Pakistan laga khilaf dey 65th par jitia thakishey. Pakistan 82 bar jitishey.