May 17, 2024: Kyrgyzstan deh taka Indian mission para taikan laka nationals kan keh indoor taki b kui shae, central Asian country deh international students laka against large-scale mob violence hui ase kui nah.
“Ami kan, mukan laka students lokot deh kotha kuri ase. Itia tho situation tho chup chap ase hoile b students kan keh pitor taki bole advise di nah ase. Aro issue ahi shae koile tho, Embassy lokot kotha kuri b kui nah advise di nah ase,” statement para kui shae.
Embassy para helpline number b provide kuri shae,” Mukan laka 24×7 contact cumber tho 0555710041 ase”. Bishkek deh taka Pakistan embassy para b international students kan karne advisory ekta issue kuri nah ase.
Local media reports para protestors kan Bishkek deh jama kuri nah taki shae kui shae. May 13 din deh, ekta hostel deh deh locals aro international students laka majo deh jakara olai shae. Etu hua piche deh protest tho hui ase. Kun bah demonstrators para traffic kan block kuri shae aro buildings kan b vandalize kuri shae. Security forces para arrest kan bishi kuri nah ase.
Kyrgyzstan tho ekta popular destination ase education karne, especially medical field deh. Etu jaka tho Indian subcontinent para students kan b bishi taneh, tateh India, Pakistan aro Bangladesh kan ase.
Add Comment