India aro Russia Covid-19 Sputnik V vaccine nemide

Agencies, 25 August: Tuesday te Union Health Ministry para India toh Covid-19 vaccine Sputnik V nemide Russia logode contact ase koise.
National capital te novel coronavirus laga press briefing samai Health Ministry Secretary Rajesh Bhushan para Russia para bona vaccine Sputnik V nemide tuita desh India aro Russia toh communication te ase koise. Olob khob or toh share korise aro olob detail khobor nemide rokhi ase koise.
Poila Russian President Vladimir Putin para tai laga desh para duniya laga first vaccine COVID-19 kelaaf toh bonaishe koikena janaideya thakise. Tai para bemari te etu dawai para joldi aro phal para jawab dae kowa thakise.
Jowa hapta Russian Direct Investment Fund (RDIF) laga CEO para dawai olabo nemide desh (Russia) toh India logode partnership kuribole shai ase kowa thakise.
Top government sources para be Moscow te Indian embassy toh vaccine bona Russian medical research institute logode touch te ase koise.