Agencies, 03 December: Thursday official statement te, India aro US para MoU sign kora janaishe. Etu toh intellectual property (IP) laga field te cooperation othabole nemide ase.
Tuita sides para Memorandum of Understanding (MoU) bonabo nemide biennial work plan olabole ase aro etu te co-operation activities (scope of action be melikena) olabo nemide detail planning melikena ase.
Union Cabinet para etu sal February 19 te Department for Promotion of Industry and Internal Trade (DPIIT) aro United States Patent and Trademark Office (USPTO) majode MoU laga signing nemide mana (approved) thakise.
DPIIT Secretary Guruprasad Mohapatra aro Andrei Iancu, Under Secretary of Commerce for Intellectual Property and Director, USPTO para MoU nemide virtual signing ceremony loise.
MoU para tuita desh majode IP co-operation othabole aim ase. Etu toh best practices te exchange aro dissemination, training programs te collaboration, exchange of experts, exchange of information aro patents, trademarks, copyrights, geographical indications, aro industrial designs te applications laga registration aro examination process nemide best practices, aro IP rights te protection, enforcement aro use para hobole ase.
Tuita sides para be automation aro modernization projects te development aro implementation nemide, IP te notun documentation aro information systems nemide aro IP office services laga management nemide ekta ekta para khobor janaideya thakibo.
MoU toh India aro USA majode cooperation othai thakibo nemide joli thakibole ase aro tuita desh ke ekta-ekta laga experience besi phak best practices te share koribole nemide opai pabo. Etu toh India laga journey global innovation te ekta major player hobole nemide landmark step hobole ase aro National IPR Policy, 2016 laga objectives agae loijabole ase.
Add Comment