Dubai, 24 September : Men’s T20 Asia Cup te, India aru Bangladesh aajI shaam Dubai International Cricket Stadium te Super Fours stage laga match te clash koribo. Match laga shuru hobo 8 PM te. AajI laga winner final te place confirm koribo. Duita team logote Super 4 stage laga prothom game jitise. India Pakistan ke tournament te second time defeat korise, aru Bangladesh Sri Lanka ke defeat korise.
KalI raati laga Super Fours match te, Pakistan Sri Lanka ke 5 wickets pora defeat korise. Sri Lanka laga 134 runs target chase korite, Pakistan 18 overs te 5 wickets logot 138 runs score korise.
Add Comment