Manama, 1 November : India 2025 Asian Youth Games te, kun Manama, Bahrain te hoi thakise, best-ever performance dikhai dise — 48 medal jiti thakise, juntu te 13 gold, 18 silver aru 17 bronze ase. Itu pora India 2009 aru 2013 laga previous record ke cross kori dise.
222 Indian athlete majot, sabse highlight moment hoise girls’ kabaddi team India laga first gold jeeti thakise, Priteesmita Bhoi weightlifting te world youth record bonai thakise, aru last day te boxing aru beach wrestling laga lead te 7 gold jitina ek strong finish di thakise.
India laga first medal Khushi pora ahise, jun girls’ kurash te bronze jiti thakise, aru Ranjana Yadav athletics te first medal paise 5000 meter race walk te silver jitise. Girls’ kabaddi team India laga first gold paise Iran ke harai thakise, aru Priteesmita Bhoi girls’ 44kg clean and jerk te world youth record bonai India laga first individual gold jiti thakise.
Last day te Indian athlete khan ekta strong finish di thakise 15 medal jitise, juntu te 7 gold ase — 4 boxing pora aru 3 beach wrestling pora. Itu laga medal haul 2026 Youth Olympics, kun Dakar, Senegal (West Africa) te hobo, karone qualifier bhi bonai dise — aru itu India laga youth sports karone ekta historic achievement hoise.
Add Comment