September 28,2020: India te last 24 hours te 82,170 more positive cases aro 1,039 deaths paa pichede Monday din te 60 lakh-mark par kurishe etu para India laga total tally toh 60,74,702 cases hoishe.
Desh te etu positive cases ola etia tak te 9,62,640 active ase.Komti hoilebi sob milaikena 50,16,520 patients, kun khan akhe te COVID19 beemar thakishe hospital nohoile toh Covid care facilities olaishe.
Etu biya beemar para etia tak komti hoilebi sob milaikena 95,542 manu murishe.India laga recovery rate toh 82.58% ase.etu toh duniya para bi bishi wala ase.
Union health ministry data hisaab te India’s death rate toh 1.57 te namishe. Maharashtra toh sobse biya wala state desh te etu te komti hoilebi sob milaikena 13,39,232 positive cases ase.
Etu beemar para Maharashtra te komti hoilebi sob milaikena 35,571 positive patients khan ke muraidishe.
Maharashtra pichede Andhra Pradesh, Tamil Nadu and Karnataka ase. Indian Council of Medical Research (ICMR) data, kuwa hisaab te komti hoilebi sob milaikena 7,09,394 sample tests desh te ek din te Sunday te loishe.
India te etia tak komti hoilebi sob milaikena 7,19,67,230 COVID19 tests loishe.duniya te India toh US, 71,13,666 positive cases te aro 2,04,750 deaths laga pichede ase.
Duniya te COVID19 positive cases laga total number toh Monday phujur te 3,29,77,556 te ase aro mura laga cases toh komti hoilebi sob milaikena 9,96,674 te uthikena ase.
Add Comment