October 12,2020: India te last 24 hours te 66,732 positive cases aro 816 deaths hoikena COVID19 tally toh 71 lakh mark paar kurishe etu para total case toh 71,20,538 hoishe.
Etu total COVID19 positive cases ola te etia tak 8,61,853 khan active ase.komti hoilebi sob milaikena 61,49,535 manu khan hospitals nohoile toh Covid care centres para bhal hoikena olaishe.aro 1,09,150 positive patients khan etu beemar para murishe.
Union health ministry para data diya hisaab te recoveru rate toh 86.36% aro death rate toh 1.53 % ase.
Maharashtra toh bishi biya wala state ase etu te komti hoilebi 15,28,226 positive cases etu te 40,349 deaths ase.
Maharastra pichede Andhra Pradesh, Tamil Nadu, Karnataka, Uttar Pradesh aro Delhi ase.Indian Council of Medical Research (ICMR) laga data hisaab te India para Sunday din te single day te 9,94,851 COVID19 tests loishe etu para samples test kura toh etia tak 8,78,72,093 ase.
Etia supreme court khan tai khan laga pre-pandemic strength logote October 12 para kaam kuribo kile koile tai khan laga 12 benches khan etu te komti hoilebi 30 judges nishena video conferencing para jamaa kuribo.
Paanchta bench duita nohoile toh tinta judge thaka alag alag combination logote working days te bui thakishe komti hoilebi 20 cases hudai hunibole nimete march te COVID19 outbreak huwa pichede.
Supreme court laga website hisaab te 10 benches duita nohoile toh tinta judges aro duita single judge benches khan October 12 para buibo cases hunibole nimete.
Add Comment