Agencies, 20 June: India te COVID-19 waves samai mass public gathering toh khatara te thaka nemite, apuni 2022 Assembly elections te political leaders laga behalf te humanoid robots para campaign lowa dekhibo pari.
Onestand India Pvt Ltd para ekta humanoid robot ‘DOOT’ kowa toh bonaishe etu karan nemite. Etu para manu khan ke excellent voice recognition, face recognition aro gestures para kotha koribole paribo.
Etu robots toh aha sal Assembly polls nemite campaign kora dekhibo nesana ase aro company hisab te, tai khan toh etu robot campaigners toh aha sal state elections nemite olabole respective political parties logote kotha kori ase.
2022 te polls te jabole state khan- Uttar Pradesh, Uttarakhand, Punjab, Himachal Pradesh, Goa aro Gujarat ase.
April te Tamil Nadu Assembly polls te, ekta notun bona political outfit India Makkal Munnetra Katchi (IMMK) para agae par nemite ekta humanoid robot toh campaigning nemite suru kora thakise. Etu te ‘Doozy’ koi, four-feet robot be party symbol thakise.
Etiya ‘Doot’ toh political parties ke serve koribole daiyar te ase. Pandemic samai te etu robot Doot toh limited group laga manu khan tak ponjibo.
Kumar Kanhaiya Singh, Director, Onestand India para IANS ke, robot laga rover te ekta dangor wheelbase thaka logote all-wheel-drive gearbox ase koise. Etu para gara rasta te be sosta para perabole pari koise. Artificial intelligence (AI)-enabled voice recognition para, humanoid robot toh politician laga behalf te public te kotha koribo koise.
Questions aro interactions toh ekta tream para periodically sabo aro sob review bechite common queries te jawab debo koise.
Doot te ekta custom-made servo motor ase. Etu para tai laga pura upper body toh bend koribole aro raise koribole pari koise.
Aro etu robot be 140 degrees of freedom logote nejor rotate koribole pari koise aro desh te enaka koribole pariya ekala humanoid ase koise.
Robot laga math ate HD cameras ase. Etu para operator khan audience te sabole aro attendees te record koribole pari koise.
4th generation servo motors indigenously bonaishe aro etu para noise hardly dae aro gorom jaga te break naloi kena lamba samai kaam koribole test korise koise.
Humanoids toh aluminum frame te industrial-grade components logote bonaishe koise koise. Pandemic nemite political leaders khan tai khan laga party workers te be lok koribole napari koise. Etu robot campaigners para besi samai bachabole ase koise kelay koile eki samai te besi humanoid toh besi jaga te jabole nemite.
Humanoid robot te 10 axes (joints) ase. Etu para manu khan ke hand shake nahoile wave koribole pari koise.
Company para poila Bihar te first Covid wave samai sanitisation nemtie besi municipal corporations te drones hire kora thakise. Humanoids toh Mumbai-based innovator Santosh Haulawale para bonaishe aro tai khan toh Onestand India logote partnered ase.
Haulawale para poila robots toh COVID-19 patients ke treat koribole aro healthcare workers ke motob koribole bona thakise.
Singh para robot campaigners suru kora toh Assembly campaigns nemite he innovation factor nahobo koise hoilebe close contacts te aha manu khan ke be bachabo koise.
Add Comment